കേരളം ചരിത്രപഥങ്ങളിലൂടെ

Lakshmi P R
IMA Social Science

പശ്ചിമഘട്ടത്തിനും അറബിക്കടലിനും ഇടയില്‍ വിരാജിക്കുന്ന കൊച്ചു കേരളം പിന്നിട്ട ചരിത്രപഥങ്ങളിലൂടെ ഒരു യാത്ര....
എ.ഡി.52 ല്‍ തോമാശ്ലീഹായുടെ ആഗമാനത്തെത്തുടര്‍ന്നാണ് കേരളത്തില്‍ ക്രിസ്തുമതം പ്രചരിക്കപ്പെടുന്നത്. എ.ഡി.788 മുതല്‍ 820 വരെ ആയിരുന്നു ജഗദ്ഗുരു ശ്രീ ശങ്കരാചാര്യരുടെ ജീവിതകാലഘട്ടം. മെയ്‌ 17 , 1498 ല്‍ കോഴിക്കോട് ജില്ലയിലെ കാപ്പാട് കടപ്പുറത്ത് പോര്‍ച്ചുഗീസ് നാവികനായ വാസ്കോ ഡ ഗാമ നങ്കൂരമിട്ടത് ഇന്ത്യാചരിത്രത്തിലെ തന്നെ ഒരു നാഴികക്കല്ലായി മാറി. 1599 ലെ ഉദയംപേരൂര്‍ സൂനഹദോസും,തുടര്‍ന്ന് ജനുവരി 13 , 1653 ലെ കൂനന്‍ കുരിശു സത്യവും ചരിത്രപുസ്തകങ്ങളുടെ താളുകളായി മാറി. കേരളവര്‍മ്മ വീരപഴശ്ശിരാജ വെള്ളക്കരോറ്റ് പൊരുതി വീരമൃത്യു വരിച്ചത്‌ 1805 ല്‍ ആയിരുന്നു. 1809 ല്‍ നടന്ന കുണ്ടറ വിളംബരം കേരളചരിത്രത്തില്‍ മറ്റൊരു അദ്ധ്യായം കുറിച്ചു. 1855 ല്‍ ഈ മഹദ്ഭൂമി ശ്രീ നാരായണഗുരുവിന് ജന്മം നല്‍കി. 1921 നവംബര്‍ 10 ലെ വാഗണ്‍ ദുരന്തം നമ്മുടെ ചരിത്രത്തിലെ ഒരു കറുത്ത അധ്യായമായി രചിക്കപ്പെട്ടു. 1946 ലെ പുന്നപ്ര-വയലാര്‍ സമരം നമ്മുടെ സ്മൃതികളില്‍ ആവേശത്തിന്റെ തിരയിളക്കം സൃഷ്ടിക്കുന്നു. 1957ല്‍ ആണ് ഒന്നാം കേരളനിയമസഭ നിലവില്‍ വന്നത്. 1963 ല്‍ തുമ്പയില്‍ ആദ്യത്തെ റോക്കറ്റ് വിക്ഷേപണകേന്ദ്രം സ്ഥാപിക്കപ്പെട്ടു. 1970 ജനുവരി 10 നു ആയിരുന്നു കേരളത്തില്‍ ജന്മി സന്ബ്രദായം നിര്‍ത്തലാക്കിയത്. 1988 ലെ പെരുമണ്‍ തീവണ്ടി ദുരന്തവും 2004 ലെ സുനാമിയും കേരളത്തെ നടുക്കിയ തീരാദു:ഖങ്ങളായി ഇന്നും നിലകൊള്ളുന്നു. 2008 ഒക്ടോബര്‍ 12നാണ് അല്‍ഫോന്‍സാമ്മ വിശുദ്ധയായി പ്രഖ്യാപിക്കപ്പെട്ടത്. അങ്ങിനെ അനേകായിരം ചരിത്രസംഭവങ്ങള്‍ക്ക് സാക്ഷ്യം വഹിച്ചും പുതിയ മാറ്റങ്ങള്‍ക്കായി കാതോര്‍ത്തും ഈ നാട് നിലകൊള്ളുന്നു......ദൈവത്തിന്റെ സ്വന്തം നാടായി.....