മൂന്ന് മൈക്രോ കഥകള്‍.

Muhammed P
II MA English
http://themarginalised.blogspot.com

ദുരിത 'ആശ്വാസം'
ഹോസ്റ്റല്‍ മുറിയില്‍ കുന്നുകൂടിയ പഴയ വസ്ത്രങ്ങള്‍ എവിടെ കളയണം എന്നറിയാതെ വിഷമിച്ചിരിക്കുകയായിരുന്നു അവന്‍. അപ്പോഴാണ്‌ തൊട്ടടുത്ത ജില്ലയിലെ വെള്ളപ്പൊക്കക്കെടുതിയുടെ വാര്‍ത്ത കാണുന്നത്. "ദുരിതാശ്വാസ ക്യാമ്പില്‍ കഴിയുന്നവര്‍ക്ക് വസ്ത്രങ്ങള്‍ സംഭാവന ചെയ്യുക" എന്ന് ഒരു സന്നദ്ധസഘടനയുടെ അഭ്യര്‍ഥനയും ഉണ്ടായിരുന്നു. ഹോസ്റ്റല്‍ ഓഫീസിനടുത്തുള്ള മൂലയിലെ പെട്ടിയില്‍ തന്റെ പഴയ വസ്ത്രങ്ങള്‍ നിക്ഷേപിച്ച് അവന്‍ തന്റെ ദുരിതത്തില്‍ നിന്ന് 'ആശ്വാസം' നേടി.

വാടക മാതൃത്വം

പണ്ട് കുരുത്തം കെട്ട സന്തതികളോട് (എന്നോട് പറഞ്ഞിട്ടില്ല!) അമ്മമാര്‍ പറയാറുണ്ടായിരുന്നു " നിന്നെ പത്ത് മാസം ചുമന്ന് നൊന്ത് പെറ്റതിന്‌ ഇത് തന്നെ തിരിച്ച് തരണം. മാഞ്ചിയുടെ()തലമുറയോട് അമ്മമാര്‍ ഒരുപക്ഷേ ഇങ്ങനെ പറയുമായിരിക്കും " ലക്ഷങ്ങള്‍ കൊടുത്ത് നിന്നെ ഗര്‍ഭം ചുമപ്പിച്ചതിനു നീ എനിക്കിത് തന്നെ തരണം".

ഉഭയദിശാപ്രണയം

ഒരുപാട് കാലം അവന്‍ അവളുടെ പിന്നാലെ നടന്നു; പ്രണയാഭ്യര്‍ത്ഥനയുമായി. ഇപ്പോല്‍ അവള്‍ അവനെത്തേടി നടക്കുന്നു: കൈക്കുഞ്ഞുമായി.