മിഥ്യ എന്ന പ്രണയിനി

Shaiju C
PhD Sociology

ഞാന്‍ മിഥ്യയെ പ്രണയിച്ചു.
കള്ളനോട്ടവും കള്ളച്ചിരിയുമായി
അവളെന്നും എനിക്കൊപ്പമുണ്ടായിരുന്നു.
ഞാനില്ലാതെ നീ ഇല്ലെന്ന്
അവളെന്നും എന്നോട് പറഞ്ഞു.
പ്രണയം പ്രഖ്യാപിക്കുന്നത് ധീരതയാണെന്ന്
വിപ്ലവവാക്യം.
ഞാനെന്നും വിപ്ലവകാരിയായിരുന്നു.
പ്രണയവും വിപ്ലവവും എനിക്കൊരുപോലായിരുന്നു.

ഞാന്‍ മിഥ്യയെ പ്രണയിച്ചു.
മിഥ്യ എനിക്കെന്നും കൂട്ടുകാരി.
അവളില്ലാതെ ഞാനില്ലെന്ന്
ഞാനിന്നറിയുന്നു.
ഞാന്‍ മിഥ്യയെ പ്രണയിക്കുന്നു.