ചുവരെഴുത്ത്

Muhammed.P
M A English
കുട മടക്കി വെച്ചു, വാതില്‍ കൊട്ടിയടച്ചു ഞാന്‍,
സഹ മുറിയനെങ്ങാനും കുട ചോദിച്ചാലോ
നിവര്‍ത്തിയിട്ടു ഞാനെന്‍ ജനല്‍ കര്‍ട്ടനുകള്‍
എത്തി  നോക്കെണ്ടാരുമെന്‍ മുറിയിലേക്ക്
അടിച്ചു പുറത്താക്കിടെണം പുറം ലോകത്തെയെന്‍ മുറിയില്‍ നിന്നും
വിരിച്ചു ഞാന്‍ ആമസോണില്‍ നിന്നുമിന്നലെയെത്തിയ കര്‍ട്ടന്‍-
എനിക്കും സഹമുറിയനുമിടയില്‍ മതില്‍ തീര്‍ത്തു കൊണ്ട്
ലോഗിന്‍ ചെയ്തു  ഫേസ്ബുക്കില്‍
 ആരൊക്കെയാണെന്‍ മതിലിലെഴുതിയിരിക്കുന്നതെന്ന് നോക്കവേ
കണ്ടു ഞാനൊരപരിചിതന്റെ പോസ്റ്റ്‌
ഉടനെ മാറ്റി ഞാനെന്‍ പ്രൈവസി സെറ്റിംഗ്സ്
അങ്ങനെ എഴുതേണ്ട ഒരന്യനുമെന്‍ മതിലില്‍.
(ഈ കവിതയുടെ ആശയത്തിന് ഞാന്‍ K G ശങ്കരപ്പിള്ളയുടെ 'കുടമറ' എന്ന കവിതയോട്
കടപ്പെട്ടിരിക്കുന്നു).

ആമസോണ്‍- Amazon.com <http://www.amazon.com/>
മതില്‍- Facebook
wall<http://www.facebook.com/help/?page=443#%21/profile.php?id=1115305729&v=wall>